Anna Maria e Gion Candinas meinan gia en sisavla generaziun la „Destillaria Candinas“. Sil bein puril da bio da 16 hectaras ha la famiglia Candinas in menaschi da vaccas mumma cun rodund 16 vaccas.
Sper la muaglia che vegn tenida da maniera adequata e plein respect han ils Candinas ina atgna mustaria. Ord péra e meila dalla regiun vegn pressiau, pasturisau ed elaborau in zun fin must dultsch. Sper nies gin BREIL PUR destillescha la „Destillaria“ cun bia capientscha e tenor recepturas veglias tenidas tschellau ord fretgs e plontas indigenas vinars zun fins – senza aschuntar aromas artificials. Sper la specialitad dalla casa, dada vinavon sur generaziuns, il destillat d’ansauna ord las ragischs d’ansauna cotschna da muntogna catt’ins era aunc auters destillats gustus.
Dapli sur da nies brischavinars da confidonza e siu bein da bio en Surselva anfleis vus sut: https://www.destillaria.ch/
.png)
